Mont Collon Westgrat

Mont Collon aber im Schärme - Ja, die Gwitter si scho no ä seich. Anstatt im schöne Wallis gha Hochtoure hett üs das böse Nass zwunge, in Bärn z blibe. Üsi liebe Leitende Sämi u Marika hei da fei ä chle müesse grüble für z ersatzprogramm, aber mir hei aus erschti JO-ler:inne dörfe das Hochglanz-Chlätteraagebot usnütze wo eigentlech ersch abem 31.8. eröffnet wär. U nei, das isch nid z neue Obloc, sondern z Viadukt Felsenau! Route wo aune Höhenangst gäbe u gfüut über dä Rägewouche lige hei üs dr samschti verschöneret. Äs hett für aui entspannendi und o forderndi routene gha, u aus usdurtrainig wird ds 5-stärne plaisirgebiet ir zuekunft sicher viu brucht vor bärner chlätterszene (aber hoffentlech nid au zu fescht, schliesslech wei mir JO-ler:inne o no chönne gha!). Mir danke aune wo bi däm glanzprojekt hei mitgmacht u mitghoufe u fröie nis uf witeri cooli chlättertäg zmitts in bärn! Aber hoffentlech wärde mir ou no mau zyt ha zum glych no uf dä Mont Collon chönne z gha…