Tourengruppe
JO
Tourenstatus
Durchgeführt
Datum
9.10.2026 - 11.10.2026 [Fr.-So.]
Anmeldung ab
01.12.2025
Anmeldeschluss
27.09.2026
TourenleiterIn
Marika Lange
Zus. TourenleiterInnen
Michaela Winkler
Tourencode
K Alp/B/4c
Tempo
normal
Anzahl Tage
3
Unterkunft
Engelhornhütte
Treffpunkt / Zeit
Folgt mit Detailprogramm
Beschrieb

Wenn Engel Hörner hätten... Wir suchen die mal gemeinsam im Rosenlauital :)

max. TN-Zahl
6
Verkehrsmittel
öV
Reisekosten (1/2Tax / PW)
70
Tourenkosten (übrige)
140
Kosten Erläuterung

Die Kosten für die An- und Rückreise müssen individuell übernommen werden. Tourenkosten sind Hütten inkl. Halbpension. Die Kosten sind Richtpreise und können abweichen.

Ausrüstung

Hochtourenausrüstung ohne Gletscher; mobile Sicherungsmittel. Details folgen spätestens 1 Woche vor der Tour.

Aquafit in Selzach und Nebel am Gemschgrätli

Autor
Marika Lange
Erstellt am
12.10.2026 9:21
Letzte Änderung
12.10.2026 9:21
Tourenbericht

Uf Grund vo Schnee und Rege hemer leider ned chene id Engelhörner. Denn hets d Uswahl zwüsche 28 grad im Tessin oder Rege im Jura und Gantrischt ghe. Üs unerklärlicher Gründ hett eh Mehrheit sich für de Rege entschiede. Wahrscheinlich liits ah de Plattechlätterskills:). Guet usgschlafe und maximal überusgrüstet simmer mit viel Motivation richtig Selzach gfahre. Dett hemer die erst Seillängi am Bahnhof abgeseilt i de Hoffnig das de Rege no ufhört. De Rege hett aber nid ufghört. Drum simmer mit Bergschuhe und Friends usgrüstet richtig O’Bloc zoge. Trotz de 4 h Umweg guet dett acho und no starch kletteret und bouldert. Am Sunntig isch den fertig gsi mit usschlafe, am 7bni simmer im Zug richtig em hütige Toureziel Gämschgrättli ar Nüneneflueh ghocked. Es Gämschgrättli isch aber immer nonig im Tessin und drum isches chalt, neblig, nass und rütschig gsi. D Michaela hett aber d Route mit Hallegerechte Hakeabständ igrichtet, so das alli sicher ue cho sii. Trotzig heimer üs dur de Nebel kämpft und sind defür mit Sunneschii ufem Gipfel belohnt worde. Nach spektakulärem Abseile simmer über de Grasgrat zrüg zum Poschi gloffe. Mir sind debi so schnell abeglofe dasemr dunne no 40 Minute hettet müsse warte. Die Warteziit heimer bi Schorle und Rivella im Berghütli überbrückt. Die debi erfolgendi JO-Kleberverteiligsaktion isch so lang gange, dasmer ds Poschi doch no fast verpasst hettet. Drum hemer das Wucheend JO-konform mit einer chline Joggingeinheit in bequeme Bergschuhe abgschlosse.

Um einen Bericht zu dieser Tour verfassen zu können musst du dich einloggen. Wenn du noch kein Benutzerkonto hast, musst du dir zuerst ein Benutzerkonto anlegen.