Saisoneröffnungsskitour Ammertenspitz

Am 7:30 si mir ds Bern ufe Zug richtig Engstligenalp- einzig Ort mit Schnee- mitem Ziu: Ammertespitz. Am Anfang isches gmüetlech flach gsi und nähr stozig ufe im Zickzack. D Spitzkehri het me da chli chöne üebe:) je höcher mir cho si, desto me sunne hei mir becho und derzue e blaue himu! Ufem weg hei mir e chlini mittagspouse gmacht mit viu inputs über toureplanig, routeplanig u Lawinegfahr.
Fast bim gipfu acho, isches nomau schön steil worde dass me d Ski besser abzoge het:) und somit simer ufem Ammertespitz gsi mit super ussicht uf dr Altels, ds Doldenhorn, Balmhorn, Wildhorn, Tschingellochtighorn und witeres! Nachemne motivierte teamfoto (siehe Fotos) hei mir d fähli abzoge und üs parat gmacht (o mental ) für d Abfahrt. Es isch ke troumschnee gsi, aber o nid dr schlimmst, mängisch chli weicher u mängisch herter, scho fast wie uf dr piste! U scho simmer wieder uf dr ebeni gsi wo üsi Langlauf skills gefordert het:) am 14:20 simmer uf ds bändli und mit dr zyt wieder i näbu vo Bern cho:(
Abschliessend chame sägä dass es e erfougrichi skitour gsi isch für de saisonstart trotz paar chline stürz und abkeiendi ski, wo zum Glück nid ds wit abe grütscht si! Merci Daniel und Jela für ds leite vo dere tolle Tour:)