Klettertag am Fels für Fortgeschrittene 3 (ab 12 Jahren)

Mir hei üs am Bhf Bärn im Sektor K uf äm Gleis 50 troffe u si när via Biu u Mutier if Choindez gfahre. Nach 250 Meter Houptstrass loufe hei mir üs mit viu AntiBrum igschpreit. När hei mir üs düre jurassier Tschungu kämpft. Dr Wäg isch immer schlächter worde. (Amerkig vor Redaktion: Di letschte 20% heimer Querfäud i müesse loufe). Gfahr vo bluetsüchtige Zägge oder vo hochgiftige Blindschliche agrffe ds wärde isch denn immer sehr gross gsi.
Nach däm mir ir Mitti vor Jurachauchchlättergartezivilisation im Sektor A si acho, hei mir üs de grosse u u chline Chlätterproblem chönne widmä. Vo dene hei mir einigi chönne löse u einigi ou wider nid. So si bi de schwirige Route viu Glace versproche worde, wo aber nach drü Blocks wider si gschmueze. Am haubi vierihei mir scho wider müese der Chlättergarte verlah u düre Tschungu üs düre Tschungu dürfe abe kämpfe.
Ig finge das mä i zuekunft im J+S-Usleihinventar ou söt Fademäier u Machete abiete, das aui Tschungujurachlättergartezuestige chöi vo däm Gwächs namens Dorne u Brönesslä befreit cha wärde.
Dank fachkuniger Guidefüehrig si mot scho gly sicher bir Busstation Chindes, Gare acho. Nach ereachtmionütige Busfahrt isch dr Robin innerhaub vo sächs ds Moutier raketig rapid go raketligi Rakete-Wasserglace choufe. Dr Star vom Tag isch somit kürt worde. När si mir im voue RE düre Gränchebärgtunnu uf Biu gfahgr u när mit äm IR 65 uf Bärn tückerlät.
Zum Schluss isch ds erwähne ds Zäggesprey gueti Dienste het erwise. Fasch niemer het ä Zägg ir Hut gha.
Danke für dä abwächsligsrichi Tag!

Leiter: Robin, Loris
Teilnähmer: Ella Fabio, Justin, Jukka, julian, Miro

Dr Bricht ha ig höchschtpersöhndläch gschribe.