Rassige Siktouren im Binntal

Positivs ar Tuur:
-aui hei dr Zug am haubi 7ni verwütscht (o we d Jela dr Bös verpasst het u ide Hotelschlarpe undem Tourezüg het müässä mitem Velo a Bahnhof cho)
-z Aupetaxi het üs pünktlech u sicher uf dr Iffigeaup abgsteut
-mir hei bim Hüttäufstig zitewis sogar d Bärgä um üs gseh
-mir hei statt em Niesehorn (zviu Wind) chönnä Pickuüäbige machä
- mir hei zrügg bir Hüttä feini Suppe gschlürft (de Claudio het glernt was ä Bouillonsuppe isch u was nid) u Öpfuströisuchuächä (dr bescht) gässä
-mir hei viu Rundene Tichu gspiut u zu 50% gwunnä u zu 50% verlore
-mit hei aui LVS wider gfunde u erfougrich usem Schnee usgrabä
- z Hütteznacht isch extrem fein gsi (Suppe (ke Bouillonsuppe), Riis mit Kicherärbseggöri u Schoggimuss)
-mir (bzw ig mindischtens) hei lang u guät gschlafä
- am nächschte Tag heimer feins Zmorge becho
-mir heis uf z Wiudhorn gschafft u sogar 3 min Sunne gha u z Wiisshorn gseh
-mir hei dr Bös in Aosäer (propiere französisch ussprächä) verwütscht u sogar no Zit gha, zum Glassä zchouffe
-Mir si ir 1. Klass Pizzamampfend u Tichuspilfnd heicho

Negativs ar Tour (aso das wo d Tour abentürlech gmacht het):
-scho am Samschti isches sehr näblig gsi, het aber Zitewis ufgrisse, am Sunni när isches sozsäge di ganz zit ä höllä (nid Bouillon-) Suppe gsi
-mini Stigise wärä fasch, am Claudio sis Jäggli ganz ir Hütte blibe
-bir Abfahrt, bzw. bimne Gägäufstig bir Gabann des Odann (französisch) heimer ä Äxtraschloufe mit zuäsätzlächä Höhemeter im töiffe, schwärä, unverspurte Gländ gmacht
-nachere luschtigä Fäuapfahrt heimer de ono ä nidfäuufstig gha
-us Fuuheit heimer wöuä ufä Sässelilift hocke, was üs 20.- pro Person u 15 min warte koschtet het
-im Schigebiet heimer üs nochli verfahre u si när wider uf de Piste ufäskeitet
-D Abfart bis Aosäer isch chisig u dräckig gsi (schiipiste ohni Schnee)
-u leider si d Pizza z Vischp zersch i fausch Zugteil gstigä u bis Schpiez z hinderscht statt zvorderscht mitgfahre