Bericht zur Tour
Autor
Benjamin Rupp
Erstellt am
02.09.2026 13:20
Letzte Änderung
02.09.2026 13:21
Tourenbericht

Nachdäm mr d walliser Dorffete grashet hei, heimer d Jagt für Schwarznaseschaaf aagfange (leider kes Selfie mit Schaaf).
Vouer Fröid heimer d Johanna ir Almagellerhütte begrüesst und Chueche gfrämslet. Am Nami isch z Training am churze Seil chli uusgartet, plötzlech simer bim Höhleforsche glandet. Leider het dr Mats d Slackline nid im Griff gha sondern umgekehrt u de ischer chopfsvorah uf ne Stei gspickt. Nachere mässig guete Nacht ir Hütte simer früeh los für ufz Wiissmies. Nachere sehr schnäue Bestiigig simer langsam abgstiige u so hei 4 vo üüs hüt ihre erst 4000er bestiige. Zrügg uf dr Hütte heimer üüs entschide, vou Gas z gäh und z früehhere Poschi z verwütsche (mir hei üüs chli verschetzt und das um 40min vrpasst). Im Poschi simer nid di einzige gsi, dr Bus isch wi es Affegheg gsi vo aute Lüüt gsi wo nid hei gwüsst wo häre mit ihrne Reiseköffer. Schlussemend het me no z Ursi im Poschi vergässä, aber t Rettig isch ehrfolgrich gsi. Si hets när wider i Bös uf Brig gschafft. Vom Beni und Samir hei mir i dene zwöi Täg viu chönne lere, danke!