Mir si ga chlättere und es isch schöne gsi. Natürlech hei aber o ganz viu angeri Lüt a dem Tag dänkt, dases im Schatte vo Wilderswil nu humidi - äh - humani Bedingige vorzfinde si. Nach däm mir mit Ach und Krach es perifärs Chlättergebiet eroberet hei, hets schnäll viu grüeni (Pflanze) ir Wand gha. Nach einige Diskussione vo rechts und links (Griffe), simer de grad ufe.
Nachem ne gmüetleche Zmittag im Schatte, simer i chlyne Grüppli los zoge, um witeri Sektore z entdecke. Gfunde heimer späckigi Griffe, bratä uf heissem Fels, was nid immer e eifachi Kombinatino isch gsi. Aber schlussendlech hei doch alli ä passendi Rute gschaft z punkte.
Nach dem alli Teilnämende nu es Sätzli zum Tourepricht hei müesse bytrage, simer du los mit em Poschi u Zug, zrügg nach Bärn.

© 2011-2026 climbIT GmbH,