Saisoneröffungsskitour

Privatbös ufd Grimmiaup für d JO gits äuä nid immer. Aus einzigi im Bös u mit viu Platzkomfort hei mir üs mental chönnä drufvorbereitä das d Schii vilech ufde Schuuteräe müässä ufätreit wärde. Doch siehe da-mir hei vo sozägä afang a chönnä d Schi aleggä und uf somnä schneematsch afa ufä louffä. Mit Wasserghaut vo öppä 99% isches de gröscht Pfludi gsi, u dä doch rächt starchi Rägä hets nid besser gmacht. Aber denn, nach einige Höhämeter isch dä Rägä i wunderschönä Schnee übergangä u üsi Spure hets hinger üs grad wider deckt. Bis ufe Mariannehubu simer nid cho, gäiä Wind u schlächti Sicht hei üs dervo abghautä u so simer fasch aues uf dä verschneite Strass vom Ufstig wider abä gfahre. Ds het gfägt o wenns meh äs gmisch zwüsche Piste- u Toureabfahrt isch gsi. Dank em umcherä hets sogar no glängt fürne Heissi Schoggi. U klitschnass heimer üs ufä Heiwäg gmacht...